Cabbar Musayev - Dayan Araz Mp3 Yüklə

Sözləri: Nazim Məmmədov
Musiqisi: Cabbar Musayev
Aranjeman: Yaşar Baxış

Tarix: 1996

Araz, dayan görüm, sözüm var sənə,
Sənin sularınla axmaq istərəm.
Bəlkə sahilinə gəldi qardaşım,
Onun gözlərinə baxmaq istərəm.

Bəlkə bacım gəldi, ürkək baxışlı,
Qoynunda bir gül var, vətən naxışlı,
Bir qədər yavaş ax, ürəyi daşlı,
Gülü sinəsinə taxmaq istərəm.

Dayan, Araz, sularınla,
Göz yaşımı apar mənim.
Dayan, Araz, sularınla,
Fəryadıma qoşul mənim.

Vətəndən vətənə axan bu dilək,
Bir gün məqsədinə yetişsin gərək.
Anamı görməyə tələsir ürək,
Başımı dizinə sıxmaq istərəm.